Asosiy » 2011 » May » 16 » Dunyodagi eng katta 3D-televizor savdoga chiqarildi
14:20
Dunyodagi eng katta 3D-televizor savdoga chiqarildi
Janubiy Koreyaning Samsung kompaniyasi o‘zining yangi D9500 modelidagi 3D-televizorlarini savdoga chiqardi. Televizor ekranining o‘lchami 75 dyumga (190 santimetr) teng bo‘lib, u hozirgi kungacha bozorga chiqqan barcha modellar orasida eng kattasi hisoblanadi. Yangilik Smart TV televizorlar oilasiga tegishli bo‘lib, unga simsiz aloqa Wi-Fi moduli o‘rnatilgan, brauzerga ega va Internetda ishlash uchun mo‘ljallangan ilova-dasturlarni qo‘llab-quvvatlaydi. Xususan, ushbu televizorga Skype video-aloqa xizmatini, Facebook va Twitter ijtimoiy tarmoqlaridan foydalanish uchun mo‘ljallangan mijoz-dasturlarni o‘rnatish hamda "Smart TV Apps” onlayn-do‘konida mavjud boshqa dasturlardan ham foydalanish mumkin. Televizor 240 gersgacha bo‘lgan chastotada ishlaydi. Unda 3D-tasvirlarni ko‘rish uchun maxsus ko‘zoynakdan foydalanish talab etiladi. Yangi model hozircha faqat Janubiy Koreya bozoriga chiqarildi xolos. Uning narxi o‘rtacha 19 million koreys voni (17,6 ming $)ni tashkil qiladi. Manba: Lenta.ru