Shu yilning 26-sentabr kungi fond birjasidagi savdolarda "Eastman Kodak” kompaniyasining aksiyalari narxi birdaniga 27 foizga tushib ketdi – 1,74 dollar/aksiya. "Reuters” agentligining ta’kidlashicha, "Kodak” aksiyalari so‘nggi 38 yildan beri bunchalik tushib ketmagan edi. "Financial Times” gazetasining yozishicha, yil boshidan beri kompaniyaning qimmatli qog‘ozlari narxi 70 foizga kamaygan.
"Kodak” yaqinda 160 million dollar miqdorida qarz olishi haqida ma’lum qilgan edi, shundan so‘ng uning aksiyalari kotirovkasi birdaniga tushib ketdi.
Taqqoslaydigan bo‘lsak, 1997-yilda "Kodak” aksiyalari narxi 90 dollar atrofida bo‘lgan. O‘shandan beri uning narxi tinmay tushib kelmoqda. Kompaniya 2007-yildan beri umuman foyda olgani yo‘q, hozirda uning kapitallashuv darajasi 468 million dollarga teng.
"Kodak” kompaniyasi 1892-yilda tashkil qilingan. U 2010-yilda 687 million dollar miqdorida zarar ko‘rdi.

Tezkor qidiruv: Eastman Kodak, fond birjasi, Kodak Tweet